Аймақтар • 20 Тамыз, 2020

Атырауда карантин режімін бұзғандар 1600-ден асты

81 рет көрсетілді

Атырау облысында полиция қызметкерлері мен мүдделі орган өкілдерінен тұратын мобильді мониторинг топтары карантиндік режімге байланысты шектеулердің сақталуын бақылау және тексеру жұмыстарын жүргізіп жатыр. Бұл туралы Egemen.kz ІІМ баспасөз қызметіне сілтеме жасай отырып хабарлайды.

Шілденің 5-нен басталған рейдтік іс-шаралар барысында күні бүгінге дейін облыста 1688 карантиндік режім талаптарының бұзылуы анықталды, оның ішінде жеке тұлғалар – 1343, заңды тұлғалар – 325, атап айтқанда, кафе, ресторан, букмекерлік кеңселер, түнгі клубтарға қатысты – 46 дерек, сауна, сұлулық салондарына қатысты – бес, отбасылық жиындар – 35, дүкен, сауда орындарына қатысты – 154, бетперделерге қатысты – 196.

Карантин режімін бұзу дерегінің мыңға жуығы Атырау қаласында тіркелген. Мысалы, 12 тамыз түнгі сағат 03.30 шамасында Сыдықов көшесіндегі мейрамханада туған күн тойланған. 14 тамыз күні қаладағы Гумаров көшесіндегі кафенің жұмыс жасап, адамдарды қабылдағаны анықталды. Бұл күні Азаттық даңғылы бойындағы "Гүлдер" дүкені жұмыс жасап тұрған, 14 тамыз Құлсары қаласында сағат 22.00 шамасында азық-түлік дүкені шектелген уақыттан тыс сауда-саттық жасаған.

Қызылқоға ауданының Миялы ауылының тұрғыны карантин режиміне қарамастан, мекен жайында 40 адаммен ұлының үйлену тойын жасаған. Карантин режімін бұзғаны үшін үй иесіне тиісті құжаттар жинақталып, Қызылқоға аудандық тауарлар мен көрсетілетін қызметтердің сапасы мен қауіпсіздігін бақылау бөліміне жолданды.

15 тамыз Бейбарыс даңғылында орналаскан коттеджде 10-13 адам жиналып туған күн тойлаған. Атырау облысы Бас мемлекеттік санитарлық дәрігерінің Қаулысында көрсетілген карантин талаптарын орындамағандарға қатысты жинақталған іс-құжаттар тиісті шешім қабылдау үшін Атырау қалалық тауарлар мен қызметтердің сапасы мен қауіпсіздігін бақылау басқармасына жолданды.

Атырау облысында 17 тамыздан бастап карантин режімі жеңілдетілгенмен, шектеу шаралары 31 тамызға дейін ұзартылды.

Атырау облысының полицейлері азаматтардан карантин режиміне барынша түсіністік танытып, сақтық шараларын орындауға шақырады.

 

Қазақстандағы және әлемдегі соңғы жаңалықтарды бірінші болып оқу үшін Telegram желісінде бізге жазылыңыз.

Соңғы жаңалықтар

Ұлттық үрдістер үзілмейді

Қазақстан • Кеше

Пневмониядан 1 науқас қайтыс болды

Коронавирус • 10 Сәуір, 2021

Ұқсас жаңалықтар