![Президент Түркістан қаласының әлеуметтік-экономикалық дамуымен танысты](/media/2020/08/20/crop-696_306_3313x4969_60a3cfc301ce205ca6ab9f53f5b6ed0d.jpg)
Шара барысында Қазақстан Президентіне Түркістан халықаралық әуежайының құрылысы жайында ақпарат берілді. Әуежай құрылысы жыл соңына дейін аяқталып, пайдалануға беріледі.
Экология, геология және табиғи ресурстар министрі Мағзұм Мырзағалиев Мемлекет басшысы Қасым-Жомарт Тоқаевқа "Қасқасу" тау шаңғысы кешенін дамытуға және өңірдегі су ресурстарына қатысты жобалар туралы мәлімет берді.
Облыс әкімі Өмірзақ Шөкеев облыс орталығын дамыту, Түркістан қаласындағы мәдени-рухани жобалардың жүзеге асырылуы, шаһарға тартылған инвестиция көлемі жөнінде баяндады. Сондай-ақ Президентке өңірдегі COVID-19 инфекциясына қатысты жағдай және оған қарсы қабылданған шаралар, облыстық ахуалдық орталықтың жұмысы жайында есеп берді.
Сапар соңында Мемлекет басшысы Түркістан облысының әкімшілік-іскерлік орталығында атқарылып жатқан жұмыстармен танысты.
Қазақстандағы және әлемдегі соңғы жаңалықтарды бірінші болып оқу үшін Telegram желісінде бізге жазылыңыз.
![](/media/2020/08/20/143602332900.jpg)
![](/media/2020/08/20/143519661200.jpg)
![](/media/2020/08/20/0a4f47e820ffdfb1db4555dc4a104a1b.jpg)