Елорда • 24 Тамыз, 2020

Елордада ерекше қажеттіліктері бар балаларды оқыту нысандары артады

567 рет
көрсетілді
1 мин
оқу үшін

Биыл Нұр-Сұлтан қаласында 12 мектеп салынады, 26 білім беру нысаны жөнделіп, инклюзивті білім беру кабинеттері ашылады. Бұл туралы "Тамыз" кеңесінің онлайн отырысында елорда әкімі Алтай Көлгінов мәлімдеді, деп хабарлайды Egemen.kz

Елордада ерекше қажеттіліктері бар балаларды оқыту нысандары артады

"Егер былтыр инклюзивті біліммен қамту 80% болса, биыл біз бұл көрсеткішті 100% деңгейге жеткізуді жоспарлап отырмыз. Тұңғыш Президент – Елбасы Қорының бастамасымен екі жаңа мектептің негізінде 1 қыркүйекке дейін 30 орындық 2 инклюзивті қолдау бөлмелері ашылады. Шілдеден Асыл Мирас кабинеті жұмыс істей бастады, онда халықаралық сертификатқа ие және заманауи әдістемелерді меңгерген мамандар жұмыс істейді. Сондай-ақ, қыркүйек айында зияткерлік қабілеті төмен  100 балаға арналған №3 арнайы мектеп ашуды жоспарлап отырмыз, күзде көру қабілеті нашар балаларға арналған балабақша ашамыз", деді елорда әкімі Алтай Көлгінов.

Сондай-ақ жаңа оқу жылында елордалық мектептерде қосымша білім берудің 8 филиалы және тағы 2 қоғамдық орталық ашылады. Сонымен қатар, жаңа нысандардың бірінші қабатында әлеуметтік нысандар ашылуда: балаларға арналған шағын орталықтар, оңалту орталықтары, балабақшалар, медициналық нысандар және тағы басқалары.

Жалпы, биыл былтырғыға қарағанда екі есе көп мектеп салынады. Бұл 12 мектеп, 2021 жылы да осы мөлшерде салынады. Бұл шаралар жүктемені айтарлықтай азайтады. Сонымен қатар, биыл 26 білім беру нысаны (мектептер, балабақшалар, колледждер) жөнделеді.

 

Қазақстандағы және әлемдегі соңғы жаңалықтарды бірінші болып оқу үшін Telegram желісінде бізге жазылыңыз.