Бүгін Нұр-Сұлтан қаласының №1 көпбейінді ауруханасында күйікке қарсы жаңа кешеннің жұмысымен таныстыру шарасы өтті. Күйік жарақатымен науқастарды емдеуге мамандандырылған жалғыз бөлімше осы қалалық ауруханада. Құны 30 млн теңгеден жоғары жаңа аппараттың демеушісі "EurasianResourcesGroup" компаниясы.
"Біздің ауруханаға еліміздің барлық өңірлерінен пациенттер келеді. Мұнда дәрігерлер көлемді күйік жарақаттарымен, денесінің 50%-дан артық зақымдануымен шұғыл жеткізілген науқастардың өмірін сақтап қалу үшін жанталасып қызмет істейді. Бір жыл ішінде бөлімшеде 50-ден астам науқас ем алып шығады. Оларды жоғары білікті мамандар емдейді. Жаңа жабдық дәрігерлердің жұмысын әлдеқайда жеңілдетеді және науқастардың тез қалпына келуіне көмектеседі деп сенеміз", дейді №1 көпбейінді қалалық аурухана директоры Марат Абдуов.
Күйікке қарсы кешенге ауа-сұйықтандыру төсегі, ультрадыбыстық диссектор және аргонокүшейтілген коагулятор кіреді. Күйікке қарсы кереует кешеннің маңызды құраушыларының бірі. Оның жұмысы көтеріп келе жатқан ауа ағынының әсерінен жалған сұйықтыққа, сұйықтандыру күйіне айналатын сусымалы материалдың (шыны кішкене шарлары) қасиетіне негізделген.
Бұл зардап шеккен аймақтардың жұмсақ тіндерінің қысылуын, ауырсынуды азайтады және көлемді күйіктері бар пациенттерде жазылу процесін жылдамдатады. Кереует айналасындағы кеңістік залалсыздандырылып, арнайы ауа ағынымен кептіріледі. Кереует электрлік көтергішпен жабдықталған, ол дәрігерлерге пациентті қоларбадан кереуетке және қайта көтеру кезінде пациенттің тепе-теңдігін сақтауға мүмкіндік береді.
Қазақстандағы және әлемдегі соңғы жаңалықтарды бірінші болып оқу үшін Telegram желісінде бізге жазылыңыз.
