Пленарлық отырыс барысында білім саласын дамытудың стратегиялық бағыттары сөз болып, өткен жылғы жұмыс қорытындысы шығарылды.
Бүгінде өңірде 490 мектеп жұмыс істейді. 109,1 мың оқушы, 13 мың мұғалім бар. Жиында жаңа оқу жылындағы білім беру үдерісі елдегі санитарлық-эпидемиялық жағдай ескеріле отырып, бірнеше бағыт бойынша ұйымдастырылатыны айтылды.
Биыл штаттық режімде оқытатын жалпы саны 15 мың оқушысы бар 268 ауылдық шағын жинақты мектеп анықталды. Жалпы саны 94 мың оқушы оқитын қалған 222 мектепте оқу үдерісі қашықтан ұйымдастырылатын болады.
Штаттық режимде жұмыс істейтін мектептерде тиісті санитарлық шаралардың іске асыру үшін облыстық бюджеттен 30,5 млн. теңге бөлінді.
Тамыз кеңесінде бірқатар білім беру қызметкерлері марапатталады. Биыл 300-ге жуық педагог жоғары марапаттарға ие болды. 7 мұғалім «Ы. Алтынсарин» төсбелгісінің иегері атанса, 8 мұғалім білім беру қызметкері «Білім беру ісінің құрметті қызметкері» белгілерімен марапатталады.
Қостанай облысы
