Аймақтар • 26 Тамыз, 2020

Шымкентте жүргізіліп жатқан құрылыстағы отандық өнім үлесі 91 пайызды құрайды

24 рет көрсетілді

Шымкент қаласында биылғы жылы құрылыс басқармасының тапсырысы негізінде 96 нысан құрылысы жүргізілуде. Ондағы нысан құрылысын қазақстандық өніммен қамту үлесі 91 пайызды құрап отыр. Бұл туралы құрылыс басқармасының мамандары хабарлады, деп хабарлайды Egemen.kz

Олардың айтуынша, құрылысы жүргізіліп жатқан жобалардың 56-сы тұрғын үй болса, 15-і инженерлік инфрақұрылым, ал, 16 жоба әлеуметтік нысан және жұмыспен қамту жол картасы аясында 9 нысан болып отыр.

Бүгінде қалада құрылыс материалдарын шығаратын 215 ірі, орта және шағын кәсіпорындар жұмыс істейді. Осы жылдың алты айында олармен 34,2 млрд теңгенің құрылыс материалдары өндірілді.

Қаланың жалпы өнеркәсібінде өндірілген өнім көлеміндегі құрылыс материалдары өндірісінің үлесі 13,2%-ды құрайды. Ал құрылыс материалдарының отандық өндірісін дамыту мақсатында қалада 2020-2021 жылдар аралығында құны 2,9 млрд.теңге болатын 9 инвестициялық жоба жүзеге асырылуда.

Соңғы жаңалықтар

Тамиланың тартуы

Өнер • Кеше

Мутацияланған вирус

Медицина • Кеше

Ұқсас жаңалықтар