Аймақтар • 27 Тамыз, 2020

Қостанайда студенттерге арналған екі жатақхана салынып жатыр

151 рет

көрсетілді

1 мин

оқу үшін

Аймақта студент жастардың өмір сүру сапасын жақсартуға бағытталған жаңа жобалар жүзеге асырылуда. Мысалы, биыл «Жұмыспен қамтудың жол картасы» бағдарламасы бойынша Қостанай қаласындағы екі колледжде бірдей жатақхана құрылысы қолға алынып отыр. Бұл туралы кеше өткен мұғалімдердің тамыз конференциясында айтылды, деп хабарлайды Egemen.kz.

Нұрқанат ҚҰЛАБАЕВ

Қостанайда студенттерге арналған екі жатақхана салынып жатыр

Қос жатақхананың бірі Қостанай медициналық колледжіне тиесілі. Оған 250 студент сияды. Облыстық білім басқармасы басшысының міндетін атқарушы Ермек Айтмағамбетовтың айтуынша, 700 млн теңгеге салынып жатқан жатақхананың құрылысы жыл соңына таман аяқталады.

500 студентке арналған екінші жатақхана Қостанай автомобиль көлігі колледжінде салынып жатыр. Құны 1 жарым млрд теңге болатын бұл нысан келер жылы пайдалануға берілмек.

Қостанай облысы