![Елорда әкімі ЖЭО-2-ні газға көшіру жұмыстарымен танысты](/media/2020/08/30/87f946a69f8db5b9582c1af2ec2b9122.jpg)
"2-ЖЭО-ны газға көшіру бойынша жүргізіліп жатқан жұмыстардың барысымен таныстым. Газ құбыры салынды, желдету жабдықтарын, газ қорғау жүйелерін және қазандықтарға монтаждау жанарғыларын орнату жұмыстары жүргізіліп жатыр. Биыл ЖЭО-1 және ЖЭО-2 газға көшіруді жоспарлап отырмыз.
Бұдан басқа, елді мекендерде кварталішілік газбен жабдықтау желілерін салу бойынша жұмыстар жалғасып жатыр.
Мысалы, Железнодорожный елді мекенінде газ тарату желілерінің 100%, Промышленный мен Көктал-2 95%, Көктал-1-дің 80%-ы салынды. Бұл жұмыстар Агрогородок, Юго-Восток елді мекендерінде де жүргізіліп жатыр. Бұл елді-мекендердегі үйлердің бір бөлігі биылғы жылыту маусымында газбен жылытылуы мүмкін. Қаланы газдандыру процесі үш кезеңнен тұрады.
Үйлерді газбен жабдықтау желілеріне қосу үшін техникалық шарттарды тегін беру үшін үш фронт-офис ашылды. Бұл Көктал-1, Железнодорожный, Промышленный тұрғындарына арналған. Жеке сектор тұрғындары үшін тегін есептегіштер қарастырылған.
Елорданы газдандыру – Елбасының тарихи жобасы. Газдандыру процесі Мемлекет басшысының бақылауында", деп жазды Алтай Көлгінов.
![](/media/2020/08/30/b3b10c79903d5fcd0dd84ba36158774f.jpg)