ҚР Мәдениет және спорт министрі Ақтоты Райымқұлова Қызылорда облысына жұмыс сапарымен барды.
Сапар барысында министр Қызылордадағы облыстық тарихи-өлкетану музейінің жұмысымен танысты. Мұражай 1954 жылы салынып, 2015 жылы жөндеуден өтті. Қазір музейде 11 көрме залы бар. Мұражайда 24 маман мен 14 техникалық қызметкер жұмыс істейді.
Сондай-ақ, Райымқұлова облыс әкімі Гүлшара Әбдіхалықовамен бірге Арал ауданында болды. Мұнда шенеуніктер Ұзақбай Қараманов атындағы №262 мектеп-гимназиясының жұмысымен танысып, қайраткердің бюстінің ашылу салтанатына қатысты.
"Бүгін біз Ұзақбай Қараманұлының бюстін ашып отырмыз. Ұлы адамдардың өмір жолы болашақ ұрпаққа әрдайым үлгі. Ұзақбай Қараманұлы 1937 жылы дүниеге келген. Ол Қазақстан Республикасының бірінші премьер-министрі болды. Мемлекет және қоғам қайраткері, "Барыс ІІ" орденімен марапатталған Қазақстан құрылысшылар одағының негізін қалаушы. Біздің міндетіміз - елдің дамуына үлес қосқан азаматтарға құрмет көрсету", деді облыс әкімі.
Айта кетейік, Ұзақбай Қарамановтың бюстін орнатуға облыстық бюджеттен қаражат бөлінген. эскиз Мәдениет және спорт министрлігі жанындағы мемлекеттік комиссиямен келісілді. Бюсттің авторы - Қазақстан Суретшілер одағының мүшесі, мүсінші Айдос Тоқтарбеков. Ескерткіш қоладан жасалған, биіктігі - 3,2 метр.
