![Нұр-Сұлтанда 9 мың орындық бірнеше мектеп ашылды](/media/2020/09/01/1d71cf77696176b9957cb9d09e980942.jpg)
Екі ауысымдағы орындардың жалпы саны 9 мыңды құрайды. Жаңа білім беру мекемелері төрт мектепте – № 31, 40, 53, 85-те үш ауысымда оқуды алып тастауға мүмкіндік берді. Сондай-ақ оқушы саны көп алты мектептің - No12, 58, 71, 75, 76, 84 жүктемесін азайтуға мүмкіндік берді. Бүгін елорда әкімі Алтай Көлгінов бірқатар жаңа білім беру мекемелерінде болды.
"Біздің алдымызда мектеп оқушыларын орынмен қамтамасыз ету және оқуға қолайлы жағдай жасау міндеті тұр. Сауран, 5/1, көшесінде орналасқан мектеп екі ауысымда оқытып, жаңа 2400 оқушыға орын пайда болды. Бұл аймақ тұрғындары үшін бұған дейін оқу орны болған емес. Жаңа мектеп №59 және 85 мектептердің үш ауысымдық білім беру мәселесін шешіп, №76 және 75 мектептердің жүктемесін азайтады. Мектеп интерактивті даму кабинетімен, қашықтан оқытуға арналған онлайн студиямен жабдықталған. Студияда мұғалімдер онлайн сабақтарын жазып, вебинарлар өткізіп, тікелей эфирде көрсете алады. Болашақта біз бұл тәжірибені басқа мектептерде де қолданатын боламыз", – деді елорда әкімі Алтай Көлгінов.
Елорда әкімі сондай-ақ №8 ІТ мектеп-лицейінде болды (Сейфуллин – Омаров к-сі, екі ауысымда 1800 орын). 60 жыл бұрын салынған ескі мектеп ғимараты апатты деп танылды. Өткен жылдарда балалар №56 және 16 мектептердің ғимараттарында оқыды. Жаңа мектеп IT және STEM сыныптарымен жабдықталған – оқушылар 3D нысандарын жасау, роботтарды модельдеу бойынша ғылыми және техникалық білімдерін практикада бірден қолдана алады. Сонымен қатар мектепте инклюзия және педагогикалық-психологиялық түзету бөлмелері бар – арнайы дайындалған мұғалімдер ерекше қажеттіліктері бар балалармен жұмыс істейді.
Бастауыш сынып оқушылары мектеп қабырғасында "кезекші топтар" форматында оқиды – сыныпта 15-тен көп бала болмайды, парталар шахмат тәртібімен қойлады. Дезинфекциялық туннельдер, антисептиктер, әлеуметтік арақашық белгілері және маска тағу туралы ескертулер орнатылды.
Жалпы биыл елордада 12 мектеп салынып, пайдалануға беріледі, бұл өткен жылмен салыстырғанда екі есе көп. Тағы 12 мектеп 2021 жылы салынады.