ОБЛЫС ЖАСТАРЫ БАС ҚОСТЫ

Орал қаласында “Ел ынты­мақ­тастығы – кемел болашақтың арқауы” деген тақырыпта облыс жастарының форумы болды. Жиынды ашқан облыс әкімінің орынбасары Серік Сүлеймен жастардың еліміздің саяси өміріне белсене қатысып келе жатқанын, олардың мемлекеттік құрылым­дар­мен ынтымақтастығының маңызы зор екенін атап өтті. Сан этнос өкілдері тату-тәтті тұрып жатқан Қазақстан бүгінде ЕҚЫҰ-ға төрағалық етуде. Форумға 150-дей делегат қаты­сып, өз пікірлерін ортаға салды. Атқарылған жұмыстарды қоры­тын­­дылап, алда тұрған міндеттерді белгіледі. Жиын барысында түрлі аталымдар бойынша үздік жобалар анықталды. Атап айтқанда, “Отан­сүйгіштік және толеранттылық” тақы­рыбында Бөкей ордасы аудан­дық “Нарын жастары” қоғамдық бірлестігі төрағасының орын­басары Айболат Құрымбаев пен Орал қаласындағы №17 орта мектептің 11-сынып оқушысы Нармина Абдурахманова, “Көш­басшылық” бойынша Еңбек және әлеуметтік қатынастар академия­сының студенті Лилия Кужаева, “Мәде­ниет және салт-дәстүр” бойынша Теректі ауданы Новопав­лов ауыл­дық округінің жастар жетекшісі Әсел Жақасова, “Сала­мат­ты өмір салты” бойынша Батыс Қазақстан инженерлік-технология­лық универ­ситетінің студенті Индира Әдиева­ның жұмыстары үздік деп танылды. Жеңімпаздар дипломдармен, бағалы сыйлықтармен марапат­талып, форум соңы өңірдегі этно­мәдени орталықтардың шығарма­шы­лық ұжымдары қойған достық фестиваліне ұласты. Темір ҚҰСАЙЫН, Батыс Қазақстан облысы