Оқиға • 03 Қыркүйек, 2020

«Semei» телеарнасына – 55 жыл

504 рет
көрсетілді
3 мин
оқу үшін

Қыркүйек айының алғашқы күні аймақтағы ең ірі телеарна «SEMEI» каналына 55 жыл толды. Осы жылдар аралығында атауын өзгертуден бастап түрлі жаңғырту процестерін бастан өткерді. Нәтижесінде, өз аумағынан тысқары жерлерде де көрермен аудиториясын едәуір арттыруға мүмкіндік туды.

«Semei» телеарнасына – 55 жыл

1965 жылы 1 қыркүйекте Семей телестудиясының алғаш­қы ресми бағ­дар­ламасы көрер­менге жол тартты. Бұл Алматы, Қарағанды және Өске­меннен кейінгі республика бойынша төртінші телестудия еді.

«Semei» телеарнасы жыл сайынғы республикалық фести­вальдерге, телеви­зиялық бай­қауларға қатысу, салалық редак­цияларға арналған хабарлар дайындау арқылы Қазақстандағы ең мықты студиялардың қатарына қосылды. Семей телестудиясы алғашқылардың бірі болып бейнемагнитофондар жиынтығын иеленді, өткен ғасырдың 80-ші жылдарында түрлі-түсті хабар таратуға көшті, студия ішіндегі телевизиялық бірлес­тіктердің жұмысына шаруашылық есеп тәжірибесін енгізді.

1990 жылдары S-VHS бей­неөн­ді­рісіне көшу жүзеге асырылды. Билік және бизнеспен серіктестік 90-шы жылдардың басында «Betacam» бейнетүсіру және мон­таждау жаб­дық­тарының жиын­тығымен жабдық­тал­ған жалғыз аймақ­тық студия болуға мүм­кіндік берді, бұл нарық жағ­дайына сәйкес жұмыс істеуге ықпал жасады.

Телеарна тәулік сайын 14 са­ғаттық қазақ және орыс тілде­рінде хабар таратуды қам­тамасыз етеді.

Қазіргі заман талабына сай әр бағдар­ламаның стилі мен дизайнын жақсарту бойынша тұрақты жұмыс жүргізілуде. Телеарнаның эфирінде көрермендер 19 циклдік тақырыптық бағдарламаларды: «Жаңалықтар», «Сәлем, Семей!», «Qala tynysy», «Dialog», «Арнайы репор­таж» және осы сынды басқа да бағдар­лама­ларды қазақ және орыс тілдерінде әртүрлі жанрларда тамашалай алады.

Жыл сайын телеарна көрер­менге жаңа телевизиялық жобалар ұсынады. Биыл «Алтын арқау», «Тарихи Семей», «Өнеге» жобалар жарыққа шықпақ. Ауқымды техникалық жаңғыртудан кейін телебағдарламалар мен жаңалық­тарды жазу FullHD форматында жүр­гізіледі.

Қазіргі таңда «Semei» те­леар­насы­ның студиялық па­виль­ондары толы­ғымен жаңартылды. Техникалық жабдықтау жақ­саруда: 4 К форматында жазуға мүмкіндік беретін жаңа камералар, квадрокоптер, «Osmo» ста­би­лизаторы сатып алынды.

Тасымалданатын теледи­дар­лық спут­никтік станция (ТТСС) мен кадрлық әлеует жер­гілікті және республикалық маңызы бар телеконференцияларды сәтті өткізуге мүмкіндік беруде.

2019 жылғы байқаудың қорытындысы бойынша телеарна аймақтық мультиплекске енді, осылайша өз тарихында алғаш рет цифрлық форматта эфирлік хабар таратуды бастады. Қазіргі уақытта телеарна жер­гілікті «Alma TV», «Семсат ТВ» кабельдік опе­ра­торларының пакеттерінде, Семей қаласының аумағында 50 шақырым радиуста сандық және аналогтық эфирлік хабар таратады. Ол «ID TV» же­лісінде де Қазақстан бойынша абоненттерге қолжетімді және semeytv.kz сайтында онлайн көрсетіледі.

Телеарна қызметкерлері Қа­зақ­стан Республикасы Прези­дентінің, «Қазақстан» РТРК» АҚ Құрмет грамоталарымен, Шығыс Қазақстан облысы әкімінің, Семей қаласы әкімінің дипломдарымен және Құрмет грамоталарымен, сондай-ақ Шығыс Қазақстан облысының қоғамдық ұйымдарының көптеген алғыс хаттарымен марапатталды.

Телеарна тұрақты жетіл­діруде, хабар тарату сапасын және арнаның медиа-нарықтағы бәсе­­кеге қабілеттілігін жақсар­туды жалғастыруда.