Промоутер Эдди Хирн орта салмақтағы IBF және IBO чемпионы қазақстандық Геннадий Головкиннің (40-1-1, 35 КО) рингке оралу уақыты қай кезде болатынын айтты.
«GGG қараша айында өзінің міндетті қарсыласы Камил Шереметпен жекпе-жек өткізуге келісімшарт жасасты. Геннадий қарсыласын жеңсе, келер жылы Канеломен жұдырықтасады», деді Хирн.
Соңғы рет Головкин 2019 жылдың қазан айында Нью-Йоркте (АҚШ) украиналық Сергей Деревянченконы жеңіп, екі белбеуді жеңіп алды. Аталған бокс кешінде Шеремет мексикалық Оскар Кортесті нокаутқа жіберген-ді.
Қазір Гена АҚШ-та жекпе-жекке дайындалуда.
