"Қосымша COVAX Facility-мен вакциналар мен иммундау бойынша "Жаһандық Альяс" арқылы келіссөздер жүргізіліп жатыр. Сондай-ақ Қытайдың "Синовак" вакцинасын клиникалық сынақтан өткізу туралы келіссөздер жүргізіліп жатқанымен, бұл мәселе әлі пысықталуда", дейді Денсаулық сақтау вице-министрі Марат Шоранов.
Премьер-Министрдің орынбасары Ералы Тоғжанов еліміз вакцинаны сатып алудың бірде-бір нұсқасын жоққа шығармайтынын және ол дайын болған күнде тиісті клиникалық сынақтардан өтетінін түсіндіріп өтті.
"Бұдан өзге, тікелей инвестициялар қорымен келіссөздер жүргізілуде. Барлығы, әрине, клиникалық сынақтардың нәтижесіне байланысты болмақ. Ең бастысы, отандық өндіріске баса назар аударуымыз қажет. Осыған орай, Жамбыл облысындағы қауіпсіздік институтының мамандары клиникалық сынақтардың бірінші кезеңін бастап кетті. Бүгінде вакциналардың екі түрі бойынша нақты мүмкіндіктер бар. Бұл мәселеге Білім және ғылым министрлігі жетекшілік етеді", дейді Е.Тоғжанов.
