![Қазақстанда карантин тәртібін енгізу туралы қаулы жобасы әзірленіп жатыр](/media/2020/09/07/photo_312401.jpeg)
Ашық нормативтік-құқықтық актілер порталында "Қазақстан Республикасының аумағында шектеу іс-шараларын, оның ішінде карантинді жүзеге асыру қағидаларын және Пайда болу және таралу қаупі төнген кезде шектеу іс-шаралары, оның ішінде карантин енгізілетін инфекциялық аурулардың тізбесін бекіту туралы" бұйрық жобасы жарияланды.
"Шектеу іс-шараларын, оның ішінде карантинді жүзеге асыру қағидалары "Халық денсаулығы және денсаулық сақтау жүйесі туралы" Қазақстан Республикасының 2020 жылғы 7 шілдедегі Кодексіне сәйкес әзірленді", - делінген қаулы жобасында.
Шектеу іс-шаралары, оның ішінде карантинді жүзеге асыру қағидалары инфекциялық аурулардың шетелден Қазақстан аумағына әкеліну қаупі кезінде, Республикада, Қазақстанның жекелеген аумақтарында және объектілерінде инфекциялық аурулар жағдайлары туындаған кезде шектеу іс-шараларын, оның ішінде карантинді жүзеге асыру тәртібін айқындайды.
Шектеу іс-шаралары, оның ішінде карантин Қазақстан Республикасының бас мемлекеттік санитариялық дәрігерінің немесе тиісті әкімшілік-аумақтық бірліктің (көліктегі) бас мемлекеттік санитариялық дәрігерінің қаулысымен, сондай-ақ өзге де мемлекеттік органдардың ведомстволық объектілерінде халықтың санитариялық-эпидемиологиялық саламаттылығы саласындағы мемлекеттік органның құрылымдық бөлімшелерінің бас мемлекеттік санитариялық дәрігерінің шешімімен енгізіледі (күшін жояды).
Пайда болу және таралу қаупі төнген кезде шектеу іс-шаралары, оның ішінде карантин енгізілетін инфекциялық аурулардың тізбесі