Туризм • 08 Қыркүйек, 2020

Баянауыл курорттық аймағына барды

10 рет көрсетілді

Мәдениет және спорт вице-министрі Өркен Бисақаев пен «Kazakh Tourism» ҰК» АҚ басқарма төрағасы Ержан Еркінбаев Баянауыл курорттық аймағына барып, аймақтың даму барысымен, сондай-ақ «Жұмыспен қамту-2020» жол картасы шеңберінде республикалық бюджеттен қаржыландырылатын жобалардың іске асырылу барысымен танысты.

Суретті түсірген Ерлан ОМАР, «EQ»

«Жұмыспен қамту-2020» жол картасы шеңберінде Торайғыр, Сабындыкөл жә­не Жасыбай көл­деріндегі жа­ға­жайларды абат­тандыру, сон­дай-ақ С.Тор­ай­ғыров кесенесі мен Қо­ңыр әулие үңгіріне ба­ратын автожолдардың орта­ша жөнделуін қамтитын 6 ин­вес­тициялық жобаны іске асы­ру көзделген. Сондай-ақ бағ­дар­лама аясында курорттық аймақ аумағында 10 санитарлық-ги­гиеналық торап орнату қарас­тырылған, оның 9-ы орнатылды. Курорттық аймақты үздіксіз энергиямен қамтамасыз ету мақсатында республикалық бюд­жеттен берілетін трансферттер есебінен Торайғыр кентінің қосалқы станциясынан Жасыбай көліндегі нысандарға дейін жоғары вольтті электр желісінің құрылысы жүр­гізілуде.

«Биылғы курорттық аймақ аумағында демалу және жаз­ғы туристік маусымның аяқ­талуына байланысты шектеулерге қарамастан, осы жобаларды іске асыру болашақта демалыс жағдайларын неғұрлым жоғары деңгейге шығаруға, сондай-ақ курорттық аймақтың инвестициялық әлеуетін артты­руға мүмкіндік береді», деді «Kazakh Tourism» ҰК» АҚ бас­қарма төрағасы Е. Еркінбаев.

Айта кетейік, 2019 жылы Баян­ауыл курорттық аймағына 130,7 мың турист келіп, 2018 жылға қарағанда 7%-ға артты. Ту­ристік қызметті дамытудың мемлекеттік бағдарламасына сәй­кес 2025 жылы туристер са­ны 450 мың адамға жетеді.

Соңғы жаңалықтар

Анталияда Абай саябағы ашылды

Руханият • Бүгін, 12:00

Ақсайда спорт музейі бар

Аймақтар • Бүгін, 11:50

Елімізде тағы 79 адам індет жұқтырды

Коронавирус • Бүгін, 09:10

Ұқсас жаңалықтар