"Базалық сценарий бойынша ішкі сұраныс пен экспорттың төмендеуіне байланысты 2020 жылы жалпы ішкі өнім 2-2,3% төмендейді. Тұтынушылардың сұранысы қысқарады деп күтілуде.Пандемияға байланысты халықтың ақшалай кірісі азайды. Мұнай бағасының төмендеуі, сондай-ақ экономикалық белсенділіктің қысқаруы және ТШО құрылысындағы инвестициялық белсенділіктің бәсеңдеу негізгі факторлар болады", деді Ақылжан Баймағамбетов.
Сонымен қатар, ол сыртқы сұраныстың төмендеуіне және ОПЕК + келісімі бойынша өндіріс көлемінің қысқаруына байланысты экспорт теріс динамиканы көрсететінін атап өтті.
"Біздің жаңартылған болжамымызға сәйкес, жылдық инфляция 2020 жылдың соңына қарай 8% құрайды, яғни бұрын жарияланған 8-8,5% аралығында төменгі шекке жақын болады. Инфляциялық процестер азық-түлік бағаларының үздіксіз өсуіне байланысты. Сонымен қатар, ақылы қызметтер бағасының өсу мүмкіндігімен байланысты инфляциялық тәуекелдердің пайда болу ықтималдылығы бар. Десек те, халықтың нақты ақшалай кірістерінің әлсіз динамикасы мен әлемдік азық-түлік тауарларының бағасы төмендейді деп күтілуде. Яғни, бұл 2020 жылы инфляцияның өсуін шектейді", деді Ақылжан Баймағамбетов.
Оның айтуынша, 2021 жылдың аяғында инфляция біртіндеп баяулап, 4-6 %-дық деңгейде тұрақтанатынын тілге тиек етті. «Инфляцияның едәуір баяулауы 2021 жылы республикалық бюджеттің жоғары тапшылығымен және 2020 жылға қарағанда сыртқы инфляциялық фонның шамалы өсуімен шектеледі»,– деді ол.
