"Коммуналдық қызметтерге қарыз болып қалғандардан берешекті өндіріп алу бойынша жұмыстар үздіксіз жүргізіледі. Байланыс орталығының мамандары қарызы бар тұрғындарға үнемі қоңырау шалып, берешегі бар екенін естеріне салып, ескерту қағаздарын жібереді", деп хабарлады Алматы қаласының Энерготиімділік және инфрақұрылымдық даму басқармасы.
Бірінші қыркүйектегі жағдай бойынша, Алматы қаласындағы коммуналдық қызметтер үшін қарызы 4,5 млрд теңгені құрайды. Оның ішінде тұрғындар - 2 млрд теңге, заңды тұлғалар - 2,5 млрд теңге қарыз.
