"Тамыз сатылымның тарихи маусымдық өсімін көрсетті. Биылғы жылы да сауды қызып тұр. Сонымен қатар, бұл 9 мыңнан астам автокөлік сатылған биылғы жылдың екінші айы. Мұндай жоғары нәтиже бір жағынан, алдыңғы айларда карантиндік режим болып, сұраныстың тамызға қалдырылуына да байланысты. Автокөлікке деген сұраныс айдан-айға артып келеді. Бұл Қазақстан нарығы әлі де қанықпағанын растайды", дейді қауымдастықтың вице-президенті Анар Мақашева.
Бұл айда ең көп сатылған автомобиль маркаларының көшін Hyundai бастап тұр. Екінші позиция Lada маркасына тиесілі. Ал наурыз айында нарыққа қайта оралған Chevrolet те сатылымның көптігімен үшінші орынды алды. Көпшілікке ұнайтын Toyota тізімде сатылым бойынша төртінші орынды толықтырған.
