Аймақтар • 13 Қыркүйек, 2020

Шиеліде тұрғын үй ауласындағы көлік толығымен өртеніп кетті

215 рет
көрсетілді
1 мин
оқу үшін

Қызылорда облысында тұрғын үй ауласында тұрған "ГАЗель" автокөлігі толығымен жанып кетті, деп хабарлайды Egemen.kz ҚазАқпаратқа сілтеме жасап. 

Шиеліде тұрғын үй ауласындағы көлік толығымен өртеніп кетті

Оқиға Шиелі кентінде 12 қыркүйек күні сағат 21.57-де тіркелді. Жергілікті өрт сөндіру бөлімінің байланыс бекетіне аудан орталығындағы Қажымұқан көшесіндегі тұрғын үйдің жанында автокөлік өртеніп жатқаны жөнінде хабар келіп түскен.

"Оқиға орнына аудандық төтенше жағдайлар бөлімінен арнайы 4 маман барды. Сол кезде тұрғын үй ауласында "ГАЗель" автокөлігі өртеніп жатқан. Автокөлікке газ қондырғысы орнатылғаны белгілі болды. Өрт сағат 22.20-да толығымен сөндірілді", деді Қызылорда облыстық төтенше жағдайлар департаментінің баспасөз қызметінің жетекшісі Айгүл Нұрманова.

Өрттің шығу себебі мен одан келген шығын көлемі есептелуде