БҚО төтенше жағдай департаментінің баспасөз қызметі мәлім еткеніндей, оқиға 12 қыркүйек күні сағат 21.00-де Орал-Атырау жолының 50-шақырымында Ақжайық ауданы аумағында болды.
"ВАЗ-2109" автокөлігі "MAN" жүк көлігімен соқтығысқан. Оқиға орнына трассалық медициналық-құтқару бекетінің қызметкерлері барып, төрт адам құтқарылды.
Олардың біреуі 34 жастағы әйел болса, қалғандары – 15, 10 және 8 жасар балалар. Бәрі де Ақжайық аудандық орталық ауруханасына жеткізілді. Қазіргі кезде оқиғаның жай-жапсары анықталу үстінде.
