"Облыста электронды түрде көрсетілетін 311 мемлекеттік қызметтің 277 түрі немесе 89% автоматтандырылған", - деді Асхат Ескендіров.
Сондай-ақ өңірде әлі күнге дейін автоматтандырылмаған мемлекеттік қызмет түрлері бар. Мысалы, "Жер телімін алу үшін кезекке қою" мемлекеттік қызметін тұрғындар портал арқылы алуы тиіс. Бірақ іс жүзінде бұлай болмай отыр. Департамент басшысы жер телімдеріне кезекке қою және оны пайдалануға беруге қатысты көптеген түйткілді мәселелер туындап, тұрғындардан түскен шағымның жиілеп кеткенін айтты.
Мұндай жағдай қосымша білім беретін мекемелерге қабылдау барысында да кездеседі. Портал арқылы алу мүмкіндігіне қарамастан, бұл қызмет түрі күні бүгінге дейін автоматтандырылмаған.
