Теннис • 16 Қыркүйек, 2020

№1 ракетканы жеңді

16 рет көрсетілді

Қазақстанның бірінші, әлемнің 18-ракеткасы Елена Рыбакина Рим WTA турнирін жеңіспен бастады.

Қазақстандық теннисші бастапқы кез­десуін Ресейдің бірінші ракеткасы Екатерина Александровамен өткізіп,   бірінші сетте 6:0 есебімен тас-талқан етсе, екінші сетте 6:4 есебімен басым түсті.

Қазақстандық келесі айналымда Ма­рия Боузкова мен Айла Томлянович ара­сындағы екеуара ойын жеңімпазымен кортқа шығады.

Ал Юлия Путинцева алғашқы айналымда швециялық Ребекка Петерсонмен шеберлік байқасады.

Ерлер арасында Александр Бублик алғашқы айналымда US Open турнирінің 2014 жылғы чемпионы, хорват Марин Чи­личпен кортқа шығады. Михаил Ку­кушкиннің жолы болмады. Финалдық кезеңге өту үшін оның жолын германиялық Доминик Кёпфер бөгеді. Есеп – 6:2, 4:6, 2:6 Кёпфердің пайдасына шешілді.

Соңғы жаңалықтар

Анталияда Абай саябағы ашылды

Руханият • Бүгін, 12:00

Ақсайда спорт музейі бар

Аймақтар • Бүгін, 11:50

Ұқсас жаңалықтар