Аймақта партияішілік іріктеудің үгіт кезеңінде 164 пікірсайыс өткізу жоспарланған. Праймеризге жалпы саны 833 адам қатысуда. Олардың бәрі ашық пікірсайысқа қатысуға құқылы.
Бүгінгі дебат барысында үміткерлер билік пен бұқара халық арасындағы байланысты нығайту, жолдардың жөнделу сапасы, кәсіпкерлікті дамыту, азаматтардың азық-түлік себетін еселеу, денсаулық саласын жақсарту сияқты өзекті мәселелерді талқылады.
Партияішілік іріктеу аясындағы алғашқы жарыссөз 14 қыркүйекте облыс орталығында өтті. Пікірсайыс екі кезеңнен тұрады: бірінші раундта үміткерлер өздерінің сайлау алдындағы бағдарламаларымен таныстырады, ал екінші раундта "сұрақ-жауап" сессиясына қатысады.⠀
"Қатысушылардың әрқайсысының өз сайлауалды бағдарламасы дайын. Үгіт-насихат жұмыстарының барысы туралы олар ұйымдастыру комитетіне хабардар етеді, материалдарды www.primaries.kz сайтта немесе арнайы мобильді қосымшада орналастырады. Олармен кез келген партия мүшесі таныса алады. Қазіргі таңда біздің қатысушылар әртүрлі қауым өкілдерімен кездесу өткізуде,сондай-ақ облыстық филиалдың әлеуметтік желілеріндегі парақшада тікелей эфирде көрсетілетін қоғамдық пікірталасқа да қатысуда", деді партияның Қостанай қалалық филиалы төрағасының бірінші орынбасары Ғазиз Ахметчин.⠀
Айта кету керек, пікірсайыс әр үміткер үшін, үгіт-насихат жұмыстарының міндетті шарты. Ол онлайн дауыс беру басталардан бір күн бұрын, яғни 30 қыркүйекте аяқталады.
