Аймақтар • 16 Қыркүйек, 2020

IT-мектеп-лицейінде сақталған 2730 дана компьютер кәдеге жаратыла ма?

12 рет көрсетілді

"Шығыс – Адалдық алаңы" жобалық кеңсесінің жетекшісі М.Бахыт Шығыс Қазақстан облысының білім басқармасының қоймасына барды, деп хабарлайды Egemen.kz

Қоймада Үкімет резервінен бөлінген ақшаға сатып алынған 530 дана компьютер жабдықтары және одан бөлек Өскемен қаласындағы облыстық мамандандырылған IT-мектеп-лицейінде 2730 дана компьютер жабдықтары сақталған. Оларды онлайн-оқытуға қажетті келісімшартта көрсетілген сипаттамаларға сәйкестігін тексеру үшін ІТ-технологиялардың жетекші мамандары тартылды. Әрбір программист өзі тексерген компьютердің талаптарға сай екенін растап актіге қол қояды және ол үшін жауапты. Қоймадағы компьютерлерді жобалық кеңсе жетекшісі қарап, олардың техникалық ерекшеліктеріне байланысты сәйкестігі мен сапасына қоғамдық мониторинг жүргізді.

1

Айта кеткеніміз жөн, мектептегі компьютерлік техника облыс оқушылары мен педагогтарына уақытша пайдалануға беріледі. Өңір оқушыларын қашықтықтан оқыту үшін республикалық бюджеттен 26 509 компьютерлік техника сатып алуға 4,1 млрд қаражат бөлінді.

"Бүгінде облыста үйде компьютерлік техникасы жоқ 23 мыңнан астам оқушының тізімі жасалған. Қазір оларға мектептерде бар компьютерлер үлестіріліп берілген", дейді ШҚО Білім басқармасының басшысы С. Жумадилова

Бұл үдерістің ашықтығын аймақтық сыбайлас жемқорлыққа қарсы іс-қимыл департаменті мен "Шығыс – Адалдық алаңы" жобалық кеңсесінің өкілдері кіретін арнайы жұмыс комиссиясы қадағалайтын болады.

Соңғы жаңалықтар

Ұқсас жаңалықтар