Қытай Қазақстанмен бірігіп Денсаулық қауымыдастығын құрмақшы

Қазақстан • 18 Қыркүйек, 2020

Қытай Қазақстанмен бірігіп Денсаулық қауымыдастығын құрмақшы

67 рет көрсетілді

Қытай, Ресей, Қазақстан, Моңғолия және Қырғызстан пандемияға қарсы бекініс, Денсаулықтың Жібек жолын және Денсаулық қауымдастығын бірлесіп салуға келісті, деп хабарлайды Egemen.kz Central Asia Media-ға сілтеме жасай отырып.

Динар КЕРІМ

Бұл туралы Қытай мемлекеттік кеңесінің мүшесі және сыртқы істер министрі Ван И Шанхай Ынтымақтастық Ұйымына (ШЫҰ) мүше елдердің Сыртқы істер министрлерінің кездесуінде мәлімдеді.

Шешім төрт елдің Сыртқы істер министрлерімен вируспен күресу үшін пандемияға қарсы ынтымақтастықты тереңдету туралы пікір алмасқаннан кейін қабылданды.Ван Идің айтуынша, елдер пандемияға қарсы күресте бір-бірін жан-жақты және тиімді түрде қолдады. Енді Министрлер төрт салада шара қабылдауға келісті.

Біріншіден, бес ел пандемияға қарсы ынтымақтастықты нығайтады, Дүниежүзілік денсаулық сақтау ұйымын оның үйлестіруші рөлін берік қолдайды және вирусқа географиялық белгі беруге бағытталған кез-келген әрекетке қарсы болады.

Екіншіден, олар пандемияға қарсы жетістіктерді шоғырландырады және кеңейтеді.

Ван И Қытай пандемиямен күресу үшін материалдар сатып алу, мамандарды оқыту, тәжірибе алмасу және дәрі-дәрмектерді әзірлеудегі ынтымақтастық, сондай-ақ мүдделі тараптармен байланыс тетіктерін құруды жеделдету сияқты басқа елдерге өз мүмкіндіктері шегінде көмек көрсетуді жалғастыруға дайын екенін айтты.

Үшіншіден, олар вакцинаны әзірлеу, өндіру және сатып алу саласындағы ынтымақтастықты белсенді түрде ілгерілететін болады.

Төртіншіден, көрші ел дәстүрлі қытай медицинасында ынтымақтастық орнатуға күш салады, өйткені Қытай Халық денсаулығы үшін әртүрлі елдердің қажеттіліктерін қамтамасыз етуде дәстүрлі қытай медицинасын қолдануға дайын.

Күннің маңызды және өзекті жаңалықтарын «Егемен Қазақстан» телеграм каналынан оқыңыз