"Учаскелік полиция инспекторлары "Учаске" жедел алдын-алу іс-шарасы кезінде жеңіл жүріске салынған 11 бойжеткенді анықтады. Олар Атырау қаласындағы Авангард ықшамауданында, Сәтпаев, Махамбет көшелерінде орналасқан көп қабатты үйлердің пәтерлерінде сексуальды сипаттағы қызметті көрсеткен. Қыздардың алтауы – Түркістан облысынан келгендер. Ұсталған қыздарға қатысты ҚР Әкімшілік құқықбұзушылық туралы Кодексінің 449-бабы (Сексуальды сипатта қызметтер көрсету) және 492-бабымен (Қазақстан Республикасында тіркеусіз, жеке басты куәландыратын құжатсыз тұру) әкімшілік хаттамалар толтырылып, полиция органдарының есебіне алынды. Сонымен қатар оларға пәтерлерін жалға берген азаматтарға қатысты ҚР Әкімшілік құқықбұзушылық туралы Кодексінің 450-бабы (Жеңгетайлық үшін үй-жайлар ұсыну) бойынша әкімшілік хаттамалар толтырылды", -деп хабарлады облыстық полиция департаментінің баспасөз қызметі.
Жыл басынан бері тәнін сатып, табыс табуды кәсіп еткен 70 адам жауапкершілікке тартылыпты.
