"Қазақ тіліне деген қызығушылығы студенттік жылдарда басталған У. Гүрсу докторантура оқып жүргенде "Түрікше және қазақша мақал-мәтелдердің салыстырмалы анализі" атты диссертациясын қорғап шыққан.
Қазақ әдебиетінің көрнекті өкілі Мағжан Жұмабаевтың "Педагогика" туындысының түрікшеге аударылмағанын байқап, аударма жұмыстарына кіріседі. Осылайша толағай еңбектің жемісі - Мағжан Жұмабаевтың "Педагогика" атты оқу құралы жуырда түрік оқырмандарына ұсынылды" деп мәлім етті Қазақстанның Түркиядағы елшілігі Facebook парақшасында.
Оқу құралы педагогиканың жалпы мәселелеріне арналған. Сондай-ақ, кітапта психология және логика салалары туралы да ақпарат берілген. Туындыда педагогика ілімі қазақ мәдениеті мен дәстүрлеріне сәйкес жазылған.
