Жарыстың бірінші айналымында еліміздің үшінші ракеткасы Зарина Диас америкалық Кристина Макхэйлмен кездесіп, үш сетке созылған бәсекеде 6:7, 7:5, 7:6 есебімен жеңіске жетті. Диас бұл жеңісі арқылы америкалық теннисшімен жеке кездесу бойынша есепті теңестірді. Енді жерлесіміз келесі кезеңде жапониялық Нао Хибиномен бақ сынайды. Өз кезегінде Нао бірінші кезеңде америкалық Слоан Стивенстен басым түсті.
Осы турнирде өнер көрсетіп жатқан тағы бір жерлесіміз Елена Рыбакина бельгиялық Гретье Минненмен кездесіп, екі сетте 7:5, 6:4 есебімен тізе бүктірді. Қазақстанның бірінші ракеткасы келесі матчын франциялық Ализе Корнемен өткізеді. Корне бірінші кезеңде словениялық теннисші Полона Херцогті 6:4, 6:3 есебімен жеңіп кетті.
Сондай-ақ «Ролан Гаррос» (Франция) бәсекесінің іріктеу кезеңіне қатысып жатқан қазақстандық теннисші Дмитрий Попко да жарысты жеңіспен бастады. Іріктеу кезеңінің алғашқы айналымында ол аргентиналық Андреа Коллариниді 6:2, 6:1 есебімен ұтты.
