Аймақтар • 23 Қыркүйек, 2020

Ұрланған велосипед үш сағат ішінде табылды

18 рет көрсетілді

27 жастағы Петропавл тұрғыны жұмысына бару және қаладағы басқа да өз шаруаларына велосипедпен жүреді екен. Жақында ол Шухов көшесіндегі жатақхананың кіреберісіне көлігін қалдырып, жарты сағатқа ата-анасына барады. Шыққан бойда көлігінің жоғалғанын байқап, бірден жақын маңдағы учаскелік полиция пунктіне хабарлайды, деп жазады Egemen.kz.

Ұрланған көлікті іздеуге Бірінші полиция бөлімінің жедел уәкілдері жұмылдырылды. Үш сағаттың ішінде велосипед табылып, иесіне қайтарылды.

"Маған полицейлер хабарласып, көлігімнің табылғанын айтты. Жылдам тауып берді. Велосипед – қалада жүріп-тұратын көлігім. Мен үшін өте маңызды", дейді Михаил Савенков.

"Ұрлық жасаған Петропавл қаласының 54 жастағы тұрғыны ұсталды. Велосипед оның жертөлесінен табылды. Ұрлық фактісі бойынша сотқа дейінгі тергеу жүргізілуде", дейді Бірінші полиция бөлімінің бастығы полиция подполковнигі Тілеген Әлжанов.

ПЕТРОПАВЛ

Соңғы жаңалықтар

Ұқсас жаңалықтар