Еліміздің мақтаулы ауыр атлетика саласы нағыз масқараға ұшырады. Бұған Халықаралық ауыр атлетика федерациясының биылғы жарыстар бойынша допинг қолданғандары дәлелденген зілтеміршілер тізімін жариялағаны себеп болды. Сол тізімде Қазақстанның 9 атлетінің аттары аталды.
Еліміздің мақтаулы ауыр атлетика саласы нағыз масқараға ұшырады. Бұған Халықаралық ауыр атлетика федерациясының биылғы жарыстар бойынша допинг қолданғандары дәлелденген зілтеміршілер тізімін жариялағаны себеп болды. Сол тізімде Қазақстанның 9 атлетінің аттары аталды.
Шеңберге кірген спортшылардың бәрі 2 жылға барлық жарыстардан шеттетіледі. Бұған қоса, олар допинг қолдану арқылы жеңіске жетті деп есептелген сайыстарда алған жүлделерін түгел кері қайтарып береді.
Тест жүргізу нәтижесі спортшылар қандарынан дигидрохлорметил-тестостерон (Dehydrochloromethyl- testosterone) және станозолол (Stanozolol) деген тыйым салынған дәрі-дәрмектер тапқан. Бұлардың арасында Азияның Астанада өткен соңғы чемпионатының алтын жүлдегерлері Александр Зайчиков пен Александра Аборнева, Бішкекте жасөспірімдер арасында өткен құрлық біріншілігінің жеңімпаздары мен жүлдегерлері Максим Локтинов, Ерболат Жоламанов, Әсем Сәрсекенова, Ғалымбек Жұбатқанов, Майра Файзоллаева, Айдар Қазов бар.
Енді бұлардың бәрі 2014 жылы Астанада өтетін әлем чемпионатына қатыса алмайды. Осы арқылы 2016 жылғы Рио-де-Жанейро Олимпиялық ойындарына лицензия беретін сайыстан қағылуы мүмкін.
Руслан ИГІЛІК.
