Спорт • 25 Қыркүйек, 2020

"Барыс" хоккей клубында 19 адам коронавирус жұқтырды

151 рет
көрсетілді
1 мин
оқу үшін

"Барыс"  хоккей клубында коронавирус жұқтырған 19 адам амбулаторлық жағдайда ем қабылдап жатыр,  деп хабарлайды Egemen.kz.

"Барыс" хоккей клубында 19 адам коронавирус жұқтырды

"Еңбек ұжымдарында коронавирус инфекциясы анықталуда. Бұл алаңдатарлық жәйт. Мәселен, 17 қыркүйек күні "Барыс" хоккей командасының әкімшілігіндегі 40 адамға алдын алу тексерісі жүргізілді. Солардың арасынан 11 адамнан коронавирус анықталды", - деді Бағдат Қожахметов. 

Оның айтуынша, Нұр-Сұлтан қаласының Бас мемлекеттік санитарлық дәрігерінің нұсқауымен дереу шара қолданылған. 

"22 қыркүйекте науқастармен бірге болған 29 адамды тексеру барысында команданың 8 мүшесінен ауру анықталды. Олардан коронавирус симптомы байқалмайды. Қазір олар амбулаторлық жағдайда ем қабылдап жатыр", - деді ресми өкіл.