"Күн сайын клиникалық зерттеулердің нәтижелерін алып тұрдым. Анализдердің нәтижелері мен вакцинаның тиімділігін көрген соң, отандық вакцинаны егу туралы шешім қабылдадым. Содан бері көп уақыт өтті. Өзімді жақсы сезінемін, ешқандай катаральды құбылыстар мен дене қызуы болған жоқ", деді Асхат Аймағамбетов.
Министрдің айтуынша, ол КВИ вакцинасын жасаудың әр кезеңіне қатысқан.
"Жұмыс істеген жылдар ішінде зерттеушілер қауіпті жұқпалы ауруларға қарсы көптеген препарат пен вакцинаны әзірлеп, қолданысқа енгізді. Олар еліміздің шегінен тыс жерлерге де жетіп, белсенді қолданылып келеді", деп мәлімдеді Білім министрі.
Естеріңізге сала кетейік, осы жылдың 1 тамызында Дүниежүзілік денсаулық сақтау ұйымының сайтында кандидаттық вакцина ретінде биологиялық қауіпсіздік проблемалары ғылыми-зерттеу институтының екінші қазақстандық вакцинасы сәтті тіркелген еді.
