Білім • 28 Қыркүйек, 2020

Қазақстандық оқушылар халықаралық олимпиададан жүлделі орын алды

19 рет көрсетілді

Қазақстан құрама командасы 61-ші Халықаралық математикалық Олимпиадада үш күміс және екі қола медаль жеңіп алды, деп хабарлайды Egemen.kz Білім және ғылым министрлігінің баспасөз қызметіне сілтеме жасап.

Жарысқа әлемнің 100-ден астам елінен жоғары сынып оқушылары қатысты. Қазақстандық команданың құрамында 6 адам болды.

Құрама команданың жаттықтырушысы, математика пәні бойынша халықаралық олимпиадалардың бірнеше дүркін жеңімпазы Қанат Сатылханов шәкірттерінің жетістіктеріне көңілі толатынын атап өтті. Биыл балалар IMO 2020 халықаралық сайыстың барлық қатысушылары сияқты қашықтан дайындалды.

"Олимпиада прокторинг жүйесі арқылы өтті. Жарыс бүгін ресми түрде аяқталады. Қазақстанның командалық нәтижелері өткен жылмен салыстырғанда айтарлықтай жақсарды. Алтын медаль жеңіп алуға бір ғана ұпай жетпеді. Негізінен біздің балаларымыз өте мықты. Әр бала өз алдына қойған мақсатына жете алады. Осы ретте балаларға қолдау көрсету маңызды. Ата-аналар мен педагогтерге бірлескен еңбегі үшін алғыс айтамын", – деді Қанат Сатылханов.

Ел намысын қорғаған команда құрамына Таир Сатубалдин (Алматы қ.), Тамирлан Бектемісов (Алматы қ.), Нұртас Шынтас (Алматы қ.), Юрий Тен (Алматы қ.), Данат Дүйсенбеков (Нұр-Сұлтан қ.) және Фетуллах Сам (Нұр-Сұлтан қ.) кірді.

Халықаралық математика олимпиадасының ережелеріне сәйкес жоғары сынып оқушыларына екі күннің ішінде 6 есепті шешуі тиіс. Тапсырмалар математиканың әртүрлі бөлімдері бойынша, негізінен геометрия, алгебра, сандар теориясы және комбинаторикадан беріледі.

Соңғы жаңалықтар

«Барыс» тағы жеңілді

Хоккей • Бүгін, 08:29

Кукушкин – келесі кезеңде

Теннис • Бүгін, 08:16

Бизнестің сәтті бастауы

Бизнес • Бүгін, 08:09

Асыл ағаны ардақтайық

Руханият • Бүгін, 07:49

Ақжайықтың Абайы

Руханият • Бүгін, 07:40

Карантин талабы күшейе ме?

Аймақтар • Бүгін, 07:36

Интернетпен қаншалықты қамтыламыз?

Технология • Бүгін, 07:32

Әлемді ойын арқылы басқару

Қоғам • Бүгін, 07:29

Аргентинаның алтын баласы

Спорт • Бүгін, 07:15

Коронавирусты таратпаудың қамы

Аймақтар • Бүгін, 07:07

Ұқсас жаңалықтар