Медицина • 29 Қыркүйек, 2020

Емханаға тіркелу жолдары қандай?

1349 рет
көрсетілді
4 мин
оқу үшін

Қыркүйектің 15-інде елімізде емханаға тіркеу науқаны басталды. Екі айға созылатын дәс­түр­лі науқан қарашаның 15-інде аяқталады. Бас­қа емханаға ауысу үшін не істеу керек? Ем­хана қандай жағдайда сізді тіркеуден бас тар­туы мүмкін? Осы және өзге де маңызды сұ­рақ­­тарға Медициналық сақтандыру қорының Алма­ты қалалық филиалының мамандары жауап береді.

Емханаға тіркелу жолдары қандай?
  1. Азаматтар қандай жағ­дай­ларда бастапқы меди­ци­на­лық-санитарлық көмек көр­се­тетін емха­на­ны ауыстыра алады?

 - тұрақты немесе уақытша тұратын мекенжайын, оқу орнын немесе жұмыс орнын (басқа әкімшілік-бірлік аумағына) ауыс­тыр­ғанда;

- емхана қайта ұйым­дас­ты­рыл­ғанда немесе та­ра­тыл­ғанда;

- еркін таңдау құқығы бойынша жылына бір рет;

- жыл сайынғы тіркеу науқаны кезінде.

  1. 15 қыркүйек пен 15 қа­ра­ша аралығында өткі­зіле­тін тіркеу науқаны шең­бе­рін­де емханаға тір­келу тәр­ті­бі қандай?

Азаматтар бастапқы ме­дициналық-санитарлық көмек ұйымдарына Egov порталы арқылы тіркеле алады. Ол үшін не істеу керек?

- Алдымен Egov порталына тіркелу қажет;

- «Денсаулық сақтау» бөлі­мінде «Бастапқы меди­циналық-санитарлық көмек көрсететін медицина ұйымына тіркеу» санатын таңдаңыз;

- Тұратын өңірді, тіркелгіңіз келетін медицина ұйымын көр­се­те­сіз, мекенжайыңыз бен бай­ла­ныс телефондарын қал­ды­ры­ңыз;

- «Тіркелу себебі» бөлімінде «тіркеу науқанын» белгілеңіз;

Өтініш бір жұмыс күні ішінде қара­лады, жауабы жеке каби­не­тіңіз­ге келеді.

  1. Емханаға тіркелудің бас­қа қандай жолдары бар?

Азаматтардың кейбір санаттарына емхананың тіркеу бөліміне барып, өтініш жазу арқылы тір­ке­лу­ге мүмкіндік берілген. Ол үшін жеке куәлік болса жет­кілік­ті. Бұл мүмкіндікті:

- зейнеткерлер мен мүге­дек­тер;

- студенттер;

- балалардың заңды өкілдері мен балалық шақтан мүгедек азаматтардың қамқоршылары;

- шетелде туған балалар;

- түрмеде жазасын өтеп жат­қан­дар;

- әскери борышын өтеп жат­қан жауынгерлер;

- балалар мен бөбектер үйінің, қарттар үйінің тұрғындары;

- ресми сенімхат негізінде тіркелгісі келетін азаматтар пайдалана алады.

  1. Пациент тіркеу науқаны кезінде таңдаған емхана қыз­ме­тін қай кезден бастап пайда­ла­на алады?

Дәстүрлі науқан кезінде емхана ауыстырған азаматтар аталған медицина ұйымының қызметін келесі жылдың 1 қаңтарынан бас­тап пайдалана алады. Ал жыл соңына дейін бұрын тіркелген емдеу мекемесінің қызметіне жүгінеді.

  1. Емхана қандай жағдайда сіз­ді тіркеуден бас тартуы мүм­кін?

1) пациент жіберген құжат­тар­дағы мәліметтің қате болуы;

2) пациенттің мекенжайының таңдап алынған емдеу мекемесі орналасқан бірлік аумағынан алыстығы;

3) бір дәрігерге тіркелген адам санының 1700 адамнан, учаскелік терапевке тіркелгендер санының 2200-ден, учаскелік педиатрға тіркелген 0-6 жасқа дейінгі балалар санының 500-ден, 0-14 жасқа дейінгі бала санының 1400-ден асып кетуі;

4) баланың немесе жоғарыда көрсетілген тұлға­лар­дың заңды өкілі екенін растайтын құжаттың жоқ­ты­ғы.

  1. Емдеу мекемесі тіркеуден негіз­сіз бас тартса, не істеу керек?

Ондай жағдайда пациент Қордың 1406 байланыс орталығы арқылы немесе Qoldau 24/7 қосымша арқылы шағым қалдыра алады.

  1. Жекеменшік медицина ұйымдарына тірке­лу­ге бола ма?

Азаматтар мемлекеттік қана емес, жекеменшік клиникаларға да тіркеле алады. Бастысы, сіз таңдаған клиниканың Меди­ци­налық сақтандыру қо­рымен келісімшарты болса болды. Қазіргі таңда Алматы қаласы бойынша бастапқы медициналық-санитарлық кө­мек көрсететін емхана саны – 73, оның жартысына жуығы – жекеменшік.

  1. Егер тіркелген емханаңыз сізге қажетті қыз­мет­ті көр­сет­пе­се не істеу керек? Басқасына ауысу қа­жет пе?

Сізге қажетті қызметтердің кей­бірі (консуль­та­тив­тік-диаг­нос­тикалық қызмет, салалық ма­мандар қызметі) тіркелген емханада көрсетілмейтін болса, басқасына ауысудың қажет жоқ. Мұндай жағдайда емхана сізге басқа емдеу мекемесіне жолдама беруі тиіс. Жолдама қосымша келісімшарт негізінде бері­ле­ді.

  1. Сақтандырылмаған аза­мат­­тар емханаға тір­ке­ле ала ма?

Емханаға тіркеу кепіл­ден­діріл­ген медициналық көмек па­кеті шеңберінде жүргізіледі. Сондықтан тіркелу үшін сақ­тан­ды­ру статусы болуы шарт емес.

  1. Тіркеу науқанына қаты­сып жатқан емхана­лар тізімін қай­дан алуға болады?

Тіркеу науқанына қатысатын емдеу мекемелерінің тізі­мімен Қордың fms.kz сайты арқылы танысуға бо­лады (https://fms.kz/kk/content/tmkkk-zhne-mms-zhetkizushilerinin-tizilimi). Тізім­де филиалмен жұмыс істейтін бар­лық емдеу ұйымдары (стационарлар да, емханалар да) көрсетілген. Тіркелу үшін емханаларды таңдау қажет.