Саясат • 29 Қыркүйек, 2020

Мұхтар Тілеуберді Хабибулло Мирзозоданы қабылдады

108 рет
көрсетілді
1 мин
оқу үшін

Қазақстанның Сыртқы істер министрі Мұхтар Тілеуберді Азиядағы өзара іс-қимыл және сенім шаралары Кеңесі хатшылығының Атқарушы директоры Хабибулло Мирзозоданы өкілеттік мерзімінің аяқталуына байланысты қабылдады, деп хабарлайды Egemen.kz СІМ баспасөз қызметіне сілтеме жасап.

Мұхтар Тілеуберді Хабибулло Мирзозоданы қабылдады

Сыртқы саяси мекеме басшысы Тәжікстан Республикасының төрағалығы барысында АӨСШК үдерісін ілгерілетуде қосқан үлесі үшін Атқарушы директорға шынайы ризашылығын білдірді.

Х.Мирзозода өз тарапынан Қазақстан Сыртқы істер министрлігіне сындарлы ынтымақтастығы үшін алғысын білдіріп, Қазақстанның төрағалығы барысында АӨСШК мақсаттары мен міндеттеріне қол жеткізуде сәттілік тіледі.