Қоғам • 30 Қыркүйек, 2020

Негізгі жұмыс тәжірибесіне қосуды ұсынды

8 рет көрсетілді

Президент жанындағы Ұлттық қоғамдық сенім кеңесінің (ҰҚСК) мүшелері онлайн режімде Қазақстан Республикасы Еңбек және халықты әлеуметтік қорғау министрі Біржан Нұрымбетовпен әлеуметтік саясаттың өзекті мәселелерін талқылады.

Жұмыс отырысына әлеуметтанушы, «Стратегия» әлеуметтік-саяси зерттеулер орталығы» ҚҚ директоры Гүлмира Илеуова, Қазақстандағы БҰҰ Даму бағдарламасының жетекшісі Арман Қашқынбеков, «Талап» қолданбалы зерттеулер орталығының президенті, Nur Оtаn партиясы Саяси кеңесінің мүшесі Рахым Ошақбаев, саясаттанушы, BTS Digital ғылыми жобасының жетекшісі Саясат Нұрбек, әлеуметтік кәсіпкер Эмин Аскеров, Еуропалық құқық және адам құқығы сарап­тама­лық институтының директоры Марат Башимов, журналист Максим Рожин, саясаттанушы Ай­дос Сарым, «Акселератор доб­ра» республикалық волонтерлер қоз­ғалысының жетекшісі Айнұр Сәбитова, журналист және қоғам қай­раткері Ляззат Қожахмет қатысты.

ҰҚСК хатшысы Ерлан Карин атап өткендей, бұл кеңес мүшелерінің министрлермен бесінші кездесуі. Денсаулық сақтау министрі Алексей Цой, Цифрлық даму, инновациялар және аэроғарыш өнеркәсібі министрі Бағдат Мусин, Білім және ғылым министрі Асхат Аймағамбетов және Эко­л­огия, геология және табиғи ре­сурс­­­­тар министрі Мағзұм Мырза­ғалиев Ұлттық қоғамдық сенім кеңесі мү­ше­­лерімен жүздескен.

Басқосуға қатысушылар министр­ге қазіргі өзекті сауалдарды қойып, жан-жақты жауаптарын алды. Сая­саттанушы, BTS Digital білім беру жобасының жетекшісі Саясат Нұрбек елімізде қызметкерлердің еркін уақыт­та және қашықтан жұмыс істеуі­не ар­нал­ған заңнамалық шектеулер әлі сақ­талып отырғанын атап өтті.

«Бұл – реттеу шараларын қажет ететін шаруа, өйткені карантинге қатыс­ты жағдай және оның салдары ұзаққа созылатын сияқты», деді C.Нұрбек.

«Талап» қолданбалы зерттеулер орталығының директоры Рахым Ошақбаев тұрғындарға зейнетақы қаражатын баспана мәселесін шешуге ғана емес, өздері немесе балаларының білім алуына жұмсауына мүмкіндік беру туралы ұсыныс жасады.

«Президент алғашында зейнетақы қаражатын білім алуға жұмсау туралы айтты, бірақ біз оны жұмыс тобында талқылаған кезде көпшілік бүгін­де Қазақстанда білім алуға қажетті құралдар жеткілікті деген тоқтамға келді. Олар одан гөрі ақысы қымбатқа түсетін емдеу шараларына бөлу жолдарын қарастыруды жөн көрді. Қазір заң жобасы Парламент қарауында жатыр. Біз Еңбек және әлеуметтік қорғау министрлігінде білім алудың жеңіл жолдары бар деген шешімге келдік – егер біз қандай да бір азаматқа зейнетақы қаражатының белгілі бір мөлшерін алуға мүмкіндік берсек, егер ол оны білім алуға жұмсаса, онда тұрған ештеңе жоқ. Егер сіз ҰҚСК мүшесі ретінде қолдау көрсетсеңіз, депутаттар да осындай пікірде болса, мұны Парламентте шешуге болады», деп жауап берді Біржан Нұрымбетов.

«Акселератор добра» республи­калық волонтерлер қозғалысының жетекшісі Айнұр Сәбитова министрге волонтерлік жұмысты негізгі жұмыс тәжірибесіне қосуды ұсынды.

Отырыстың соңында кездесу барысында айтылған ұсыныстар министрлік тарапынан қабылдайтындығы айтылды. Өз кезегінде, Еңбек және халық­ты әлеуметтік қорғау министрі Б.Нұ­рымбетов бірқатар мәселелерді пысық­тауға ведомство жанындағы жұмыс тобына ҰҚСК мүшелерін де шақырды.

 

Соңғы жаңалықтар

Амманға аттанды

Спорт • Кеше

Қадір түнінің қасиеті

Руханият • Кеше

Алматы қаласында жер сілкінді

Аймақтар • 06 Мамыр, 2021

Ұқсас жаңалықтар