Аймақтар • 01 Қазан, 2020

Алматы облысында жылыту маусымы уақытынан ерте басталды

333 рет
көрсетілді
1 мин
оқу үшін

Бұл туралы Алматы облысы әкімінің баспасөз қызметі хабарлады, деп жазады Egemen.kz.

Алматы облысында жылыту маусымы уақытынан ерте басталды

Облыстық Энергетика және тұрғын үй-коммуналдық шаруашылық басқармасының мәліметі бойынша Талдықорған қаласының жылу жүйелері мен желілері жылыту маусымына 100 % дайын.

Өңір басшысының тапсырмасына сәйкес жылу бірінші кезекте әлеуметтік нысандарға беріледі. Балабақшалар, мектептер мен денсаулық сақтау мекемелеріне жылу 30 қыркүйектен бастап беріле бастады. Бүгін осы аталған жұмыстар толығымен аяқталуы тиіс. Ал тұрғын үйлерге жылу ертеңнен бастап беріле бастайды.

Жалпы Талдықорғанда орталық жылыту жүйесіне қосылған 82 бюджеттік мекеме мен 753 көпқабатты тұрғын үй бар. Облыс бойынша биылғы жылыту маусымына дайындық жұмыстарына бюджеттен 15,9 млрд теңге қарастырылған.

Айта кетейік, Алматы облысында жылыту маусымы жыл сайын 15 қазаннан басталатын.