Ұлттық Медициналық Холдинг құрамындағы республикалық Жедел медициналық жәрдем ғылыми орталығында Питсбург университеті Италиялық онкология орталығының торакальді хирургтары лапароскопиялық тәсілмен ота жасап, қазақстандық әріптестерімен тәжірибе бөлісті.
Ұлттық Медициналық Холдинг құрамындағы республикалық Жедел медициналық жәрдем ғылыми орталығында Питсбург университеті Италиялық онкология орталығының торакальді хирургтары лапароскопиялық тәсілмен ота жасап, қазақстандық әріптестерімен тәжірибе бөлісті.
Италиялық дәрігерлер орталықта үш күн бойы тұңғыш рет қатерлі ісіктерді тілік жасамай, шағын тесік арқылы сылып алу тәсілін қолданып оталар жасады. Питсбург университеті Италиялық онкология орталығының торакальді онкохирургі Алесандро Бертани журналистерге берген сұхбатында мұндай іс-шараны ұйымдастыру үшін үлкен базаның керек екенін, ал ондай база елімізде қалыптасқанын баяндады. «Ота жасау барысында бізге осында жұмыс істейтін дәрігерлер көмектесті. Оталардың лапароскопиялық түрінен науқасқа келетін зиян көп болмайды. Мұндай оталарды жасаудың шыңына шығу үшін шеберлік сыныптарын жиі өткізіп тұру керек. Мәселен, АҚШ-та, Италияда бұл тәсілмен ота жасаудың он жылдық тарихы бар. Дәрігерлер белгілі бір жетістікке жеткен», дейді Бертани.
Италиялық дәрігерлердің бұл сапары Астана қаласында онкологиялық орталық құру жобасының аясында іске асты. Бұл жобаның негізгі серіктесі – Питсбург университетінің Медициналық орталығы.
«Егемен-ақпарат».
