Қоғам • 02 Қазан, 2020

Еуразиялық патенттік ұйымның марапаты

146 рет

көрсетілді

1 мин

оқу үшін

Әділет министрлігі және «Ұлттық зияткерлік меншік институты» РМК (KAZPATENT) ұсынуы бойынша Еуразиялық патенттік ұйымның әкімшілік кеңесінің 36-отырысы шешімімен зияткерлік меншік саласының құрметті марапаты – «Өнертапқыштық және патенттік іске қосқан үлесі үшін» В.И.Блинников алтын медалімен медицина ғылымдарының докторы, профессор, Ресей Федерациясы Ғылым академиясының және Қазақстан Республикасы Ұлттық ғылым академиясының академигі, өнертапқыш Төрегелді Шарманов және тау-кен және мұнай саласындағы жетістіктерімен танымал Satbayev University марапатталды.

Egemen Qazaqstan

Салтанатты марапаттау рәсімі еліміздегі Әділет органдары қызметкерлерінің күніне орай өткізілді. Аталған марапаттарды Алматы қаласының Әділет департаментінің басшысы Абай Арап тапсырды.

Әділет министрлігі және KAZPATENT Төрегелді Шармановты және Satbayev University қызметкерлерін лайықты марапаттарымен құттықтай отыра, зияткерлік меншік саласындағы кәсіби қызметінде сәттілік тілейді, дейді Әділет министрлігінің баспасөз қызметі.