Руханият • 04 Қазан, 2020

Өзбекстанда Базар жырау Оңдасұлына ескерткіш орнатылды

942 рет
көрсетілді
1 мин
оқу үшін

Өзбекстанның Науаи облысында қазақтың белгілі ақыны Базар жырау Оңдасұлына ескерткіш орнатылды. Бұл туралы Үшқұдық ауданы әкімдігінің баспасөз қызметі Telegram каналында мәлім етті, деп хабарлайды Egemen.kz ҚазАқпарат сайтына сілтеме жасап.

Өзбекстанда Базар жырау Оңдасұлына ескерткіш орнатылды

Балқы Базар жырау бюсінің ашылу салтанаты 3 қазан күні өтті. Шараға аудан әкімі С.Хамроев, Үшқұдық ауданы Қазақ мәдени орталығының қызметкерлері, аға буын және БАҚ өкілдері қатысты. Бюст орнатар алдында Жалпақтаудағы Базар Жыраудың бейіті абаттандырылған.

Базар Жырау Оңдасұлы 1842 жылы Қазақстан Республикасы Қызылорда облысының Қармақшы ауданында дүниеге келген. Ел арасында Балқы Базар деп танылған. Өмірінің соңғы жылдарын Жалпақтау жайлауында, Ақбөгет топырағында өткізді.

1911 жылы дүние салып, Жалпақтауға сүйегі қойылған. Базар Жырауды Сыр бойының ақын-жыраулары, термешілері өздеріне ұстаз санаған. Оның туындылары "Терме", "Үш ғасыр жырлайды" жинақтарына енген.

Соңғы жаңалықтар