Аймақтар • 07 Қазан, 2020

Өліммен ойнаған өрескелдік

497 рет көрсетілді

Петропавл қаласының 48 жасар әйел тұрғыны полицияға қоңырау шалып, үйінде кісі өлтірілгенін хабарлаған. Мұндай төтенше оқиға елдің бәрін елең еткізіп, оқиға орнына Екінші полиция бөлімінің қызметкерлері шұғыл жіберіледі, деп хабарлайды Egemen.kz

Адам өмірімен ойнауға болмайды. Оның үстіне кісі өлтірілуі қылмыстық кодекс бойынша ең ауыр қылмыс болып саналады. Қасақана кісі өлтірушілердің жазасы да ең ауыры. Алайда Петропавл қаласында осындай қылмыспен ойнайтын бір әйел шығыпты.   

Құрамында тергеуші, криминалист т.б. бар жедел топ төтенше оқиғаның себебін анықтау, кісі өлтіруші қылмыскерді ұстау, текргеу мақсатымен барлық жұмыстарын тастап, шұғыл жолға шыққан. Алайда олар орта жолға барғанда дабыл беруші әйелдің өзі хабарласып, шақыртудан бас тартатынын айтқан.

"Әйел өзі қоңырау шалып, ақпаратты жоққа шығарған. Аталған мекенжай бойынша учаскелік полиция инспекторы жіберілді", деді Петропавл қаласы ПБ Екінші полиция бөлімінің бастығы Руслан Сыздықов.

Полиция капитаны Жанат Мұхамеджанов пәтерде масаң күйдегі әйел мен екі ер адамның болғанын анықтаған. Әйел отырыста адам өлімі туралы әзілдеп, көңіл көтермекші болған. Әйелдің мұндай әрекетке бұған дейін де барғаны белгілі болды. Наурыз айында да ол осылай "әзілдемек" болып, Әкімшілік құқық бұзушылық кодекстің "Арнаулы қызметтердi көрiнеу жалған шақыру" бабы бойынша жауапқа тартылып, 80 мың теңгеден астам айыппұл төлеген екен. Ендігісі не екенін полиция біле алмай отыр. Оған полиция ойыншық болып көрінетін болуы керек.

Жас бала емес, жасамыс әйелдің осындай қылықтарға баруының өзі – түрлі күдіктер тудырады. Әлде оған мұндай бұзушылық үшін төлеген айыппұл аз көрінді ме екен? Шынында, мұндай бұзушылықтарды ұсақ демей, тиімді жаза қолдану керек қой. Полициямен әзілдеп, мазақ қылып, өтірік айтып, ойнамақ болғандар демократиялық дамуы барынша жоғары дамыған елдерде де қатаң жазаға тартылады. Мәселен, осындай өтірік дабыл үшін Германияда адам екі жылға дейін бас бостандығынан айырылуы мүмкін.

Ал Америка мұндайды "сватинг" деп атайды, ондайды жасағандар 10 мың доллар көлемінде айыппұл төлейді. Ал ізгілендіруді пір тұтқан біздің елдегі айыппұл долларға шаққанда бар болғаны 200 болып отыр. Осы мәселені заңдарға толықтырулар мен өзгерістер енгізгенде ескеру керек сияқты.

Соңғы жаңалықтар

Елбасы арманы – елорда

Президент • Бүгін, 16:30

Еңбек адамдары марапатталды

Аймақтар • Бүгін, 16:05

Пневмония 68 адамда тіркелді

Коронавирус • Бүгін, 09:12

SpaceX тағы 60 спутник ұшырды

Әлем • Бүгін, 08:51

«Спартактан» басым түсті

Хоккей • Бүгін, 08:42

Даланы тербеткен сырлы саз

Руханият • Бүгін, 08:38

Елбасы, Луиза және балмұздақ

Ең қысқа әңгіме • Бүгін, 08:25

Есіл бойына ел қондырған

Таным • Бүгін, 08:21

Елбасы және Түркістан

Оқиға • Бүгін, 08:19

Мерекені мазмұнды өткізеді

Оқиға • Бүгін, 08:18

Арқадағы алтын бесік

Елбасы • Бүгін, 08:15

Кемеңгер келбеті

Руханият • Бүгін, 08:08

Жұмыс ашық ұйымдастырылады

Саясат • Бүгін, 08:04

Шабыт шалқытар шаңырақ

Театр • Бүгін, 08:00

Тарих тудырған тұлға

Елбасы • Бүгін, 07:47

Нұр-аға

Руханият • Бүгін, 07:35

Чемпионат мәресіне жетті

Ауыр атлетика • Бүгін, 07:30

Алтайға ат басын бұрған сәт

Таным • Бүгін, 07:29

Ұқсас жаңалықтар