37 жастағы намибиялық – бірінші жартылай орта салмақта үш нұсқа бойынша (IBF, IBO және WBA (Super) әлем чемпионы атанған әккі боксшы. 2017 жылдың тамыз айында ол абсолютті әлем чемпионы атағы үшін америкалық Теренс Кроуфордпен (36-0, 27 КО) жұдырықтасып, алғаш рет жеңілді. Бір жылдан кейін тағы бір америкалық боксшы Реджис Прогрейстен ұтылған. Ал ең кейінгі жекпе-жегін 2019 жылдың тамыз айында Карлтавиус Джонсонмен өткізіп, (4-2) жеңіске жеткен.
Бүгінге дейін тоғыз рет шаршы алаңға шығып, барлық қарсыласынан басым түскен отандасымыз ең кейінгі жекпе-жегінде америкалық Алан Санчесті (20-5-1, 10 КО) техникалық нокаутпен жеңген.
Елеусінов-Индонго арасында айқас 27 қарашада Голливудтағы (АҚШ, Флорида штаты) Seminole Hard Rock Hotel and Casino аренасында өтеді. Айта кетейік, Елеусінов-Индиго жекпе-жегі сәуір айында ұйымдастырылуы тиіс еді. Алайда пандемияға байланысты кейінге шегерілген-тін.
