«Астана» 4 қазанда Премьер-лиганың 6-турының кейінге қалдырылған матчында «Қайраттан» 0:3 есебімен жеңіліп қалған соң клуб басшылығы Эшуортпен еңбек келісімшартын мерзімінен бұрын бұзуды ұйғарған. Пол елорда клубында 2019 жылдан бастап Атқарушы директор лауазымында жұмыс істеп, соңғы айда бас бапкер міндетін атқарды.
Еске салайық, «Астананы» маусымның басында чех маманы Михал Билек жаттықтырды. Ол команда Чемпиондар лигасынан шығып қалғаннан кейін өз орнын босатқан еді. Содан соң клубтың атқарушы директоры Пол Эшуорт бас жаттықтырушының міндетін атқарды.
