Футбол • 12 Қазан, 2020

Жастарымыз жерге қаратты

136 рет
көрсетілді
1 мин
оқу үшін

Футболдан 21 жасқа дейінгілер ара­сындағы Еуропа чемпионатының ірік­теу кезеңіне қатысып жатқан Қазақ­­стан жастар құрамасы Алматы­дағы Ор­талық стадионда Солтүстік Маке­до­нияны қабылдап, ірі есеппен жеңіліп қалды.

Жастарымыз жерге қаратты

Бұл матчта жеңіске жету екі құрама үшін де маңызды болатын. Өйткені үш ұпай олжалаған құрама турнир кестесінде екінші орынға көтеріліп, кәріқұрлық чемпионатына қатысуға бір табан жақындайтын. Сондықтан екі елдің футболшылары жеңіске жету үшін ая­нып қалған жоқ. Футбол мамандары бір жыл бұрын Солтүстік Македонияда 1:1 есебімен тең ойнаған жерлестеріміз өз еліміз­де еш қиындықсыз жеңіске жетеді деп болжаған-ды. Алайда жастарымыз күтпеген жерде 4:1 есебімен жеңіліп, жанкүйерлерді жерге қаратты. Қазақстан құрамасынан жал­ғыз голды Оралхан Өміртаев соқты. Жеңі­ліп жатқан ойында қазақстандық футболшылар «ерліктерімен» көзге түскенін де айта кетейік. Мысалы, гол авторы Өміртаев пен қорғаушы Рауан Орынбасар қызыл қағаз алып, алаңнан қуылса, Артур Шушеначев 11 метрлік айып добынан гол соға алмады.