Осыған байланысты қалада өрт қауіпсіздігі айлығының екінші кезеңі өтуде. Бұл туралы брифингте Нұр-Сұлтан қалалықТЖД апаттар қаупін азайту және азаматтық қорғау басқармасының бастығы Еркін Отарғалым айтты.
«ТЖД жылу маусымы кезінде өрт қауіпсіздігі айлығын өткізеді. Бірінші кезеңіміз 15 тамызда басталып, 15 қыркүйекке дейін жалғасты. Шараның мақсаты – халықтың әлеуметтік осал топтары, оның ішінде көп балалы отбасылар санатындағы тұрғындармен мақсатты үгіт-профилактикалық жұмыстар жүргізу. Бұл жұмыс жасалды. Нәтижесінде 1543 отбасы тіркеліп, олармен мақсатты түсіндіру жүргізілді. Сонымен қатар бұл ғимараттарда аудан әкімдіктерімен бірлесіп 191 көміртегі тотығын анықтайтын құрылғылар орнатылды. Қазір қалада айлықтың екінші кезеңі өтіп жатыр. 15 мыңнан астам үй қамтылып, 21 мыңнан астам тұрғынмен түсіндіру жүргізілді. Бұл жұмыс жалғасуда», – деді Еркін Отарғалым.
Департаменттің хабарлауынша, тоғыз айда Нұр-Сұлтанда 400 өрт болған, бұл өткен жылдың сәйкес кезеңімен салыстырғанда 5,4%-ға аз.
Өрттің жиі кездесетін себептері электр жабдықтарын монтаждау және пайдалану кезінде өрт қауіпсіздігі ережелерін бұзу. Мұндай 179 жағдай тіркелген. Екінші орында тұрғындардың отқа ұқыпсыз қарауы – 106 жағдай. Үшінші – пеш жабдықтарын орнату және пайдалану кезінде қауіпсіздік ережелерін сақтамау.
«Біздің елде өрттің негізгі орындары тұрғын үй секторы – 209 оқиға немесе жалпы санның 52%-ы. Қаладағы өрт жағдайына әсер ететін негізгі тармақтар жылу беру маусымымен байланысты», – деп атап өтті апаттар қаупін азайту және азаматтық қорғау басқармасының бастығы.
ТЖД жеке сектор тұрғындарын пештің қауіпсіздік ережелерін қатаң сақтауға шақырады, бұл пештерді орнату және салу кезінде есте сақталуы керек, өйткені осы кезеңде бұзушылықтар жиі кездеседі. Қазіргі уақытта пештерге қойылатын екі негізгі талап бар: өртке қарсы оқшаулағыш пен жапқыштың болуы. Бұл қарқынды жұмыс кезінде пештің қызып кетуіне жол бермейді.
Жылыту маусымы басталмас бұрын, пештерді тексеріп, жөндеп, тазалап, 50х70 см өлшемді металл төсегіш жабдықтау қажет.
Пеште заттарды және отынды кептіруге тыйым салынады, сонымен қатар тез тұтанатын сұйықтықпен от тұтатуға жол берілмейді. Өрт қауіпсіздігін балаларға ескерту керек, оларды ересектерсіз қалдыруға болмайды.
Сондай-ақ құтқарушылар азаматтарды электр жылытқыштарын пайдалану кезінде абай болуға шақырады, өйткені олар қосылған кезде желіге жүктеме артады. Осыған байланысты үйдегі электр сымдарының бүтіндігін тексеру ұсынылады.
«Өрт қауіпсіздігі ережелері электр жылытқыштарын пайдалануға тыйым салмайды, бірақ бұл құрылғыларға бірқатар талаптар қойылады. Біріншіден, құрылғылар зауытта жасалуы керек. Әрине, оларда жылу реттегіш болуы, олар майланған болуы керек. Құрметті тұрғындар, сіздерден осыған назар аударуларыңызды сұраймыз!» – деді спикер.
Өрттің пайда болуына себеп болатын фактор – ересектердің отқа ұқыпсыз қарауы. Мысалы, аулаларда жанғыш заттар немесе шала жанған күл қалдыру. Өрт қауіпсіздігін қамтамасыз ету үшін аулаларды үнемі тазалап отыру керек.
