Аймақтар • 18 Қазан, 2020

Учаскелік инспекторлардың жұмысы жетілдіріле түсуде

8 рет көрсетілді

СҚО учаскелік полиция инспекторлары "Учаске" республикалық жедел-профилактикалық іс-шара аясында жұмыс істеуде. Оның мақсаты - құқық бұзушылықтардың алдын алу шарасын күшейту, халықпен өзара іс-қимылды нығайту, деп хабарлайды Egemen.kz

Тәртіп сақшылары жалғыз басты зейнеткерлердің үйлерін аралап, қару иелерін, тұрмысы төмен отбасыларды, бұрын сотты болған адамдарды, есепте тұрған өзге де контингенттерді тексерді. Сонымен бірге полиция департаментінің аккаунттарындағы әлеуметтік желілерге Петропавл қаласының барлық учаскелік полиция пункттерінің мекен-жайлары мен телефондары орналастырылды. "Аталған әкімшілік учаскеге қызмет көрсететін қызметкердің аты мен телефон нөмірі көрсетілген ақпараттық парақ бұрын кіреберістерге жапсырылса, қазіргі уақытта бұл мәліметті қосымша әлеуметтік желіден де алуға болады. Айта кететін болсақ, полицияға жүгінуге құлық танытпай, үйдегі дауды "жылы жауып қою" - отбасы-тұрмыстық қатынас аясындағы құқық бұзушылықты қамтамасыз етудің басты мәселелерінің біріне айналады. Халықтың осындай ұстанымын адамдармен тығыз қарым-қатынаста жұмыс істейтін учаскелік инспекторлар өзгертуі керек", дейді СҚО ПД бастығының бірінші орынбасары, полиция полковнигі Қанат Айтбаев.

СҚО-да учаскелік полиция инспекторлары тұрмыстық зорлық-зомбылықтың 200-ден астам фактісін анықтаған. Мысалға, № 9 учаскелік пунктке қарасты аумақты аралау кезінде инспектор ұрып-соғу белгілерімен жас әйелді байқаған. Оған дене жарақаттарын салған бұрын сотталған күйеуі екені белгілі болды. Қыз анасының үйінде жасырынған. Жас әйел күйеуіне қарсы сегіз рет арыз жазып, кейін оны қайтарып алып отырған. Учаскелік инспектор жәбірленушіге отбасындағы зорлық-зомбылық ауыр жағдайға әкеп соқтырмауы үшін оның жолын кесу қажеттігін түсіндірген. Қыз сот-медициналық сараптамадан өтіп, күйеуіне қатысты қорғау ұйғарымы шығарылды. Оған әйелімен кездесуге және оны қудалауға тыйым салынды.

Атылмыш шара басталғаннан бері СҚО полицейлері 50 мыңнан астам пәтер мен 65 мыңға жуық жеке үйлерді аралап шықты. Отбасы-тұрмыстық қатынас аясында 206 құқық бұзушылық фактісі анықталды, оның 56 Петропавлда. Барлығы учаскелік инспекторлар 3600 астам түрлі құқық бұзушылықты анықтады, оның 1000 астамы облыс орталығында.

Солтүстік Қазақстан облысы

Соңғы жаңалықтар

UFC рейтингінде көш бастады

Спорт • Бүгін, 08:32

Жас ақын жанарындағы от

Оқиға • Бүгін, 08:06

Голливудта ән салған...

Руханият • Бүгін, 08:03

2 мыңға жуық көмек берілді

Қоғам • Бүгін, 07:50

Жабасақта еңбекқор жан көп

Аймақтар • Бүгін, 07:45

Сырғи басқан сілеусін

Қоғам • Бүгін, 07:39

Ауылдарға интернет жетті

Аймақтар • Бүгін, 07:33

Босаңсуға болмайды!

Коронавирус • Бүгін, 07:27

Антына адал сержант

Қоғам • Бүгін, 07:14

Жастар сайыста шыңдалады

Қоғам • Бүгін, 07:14

Оқушылар офлайн оқи ма?

Білім • Бүгін, 07:04

Сайыпқыран Сапура қыз

Қоғам • Бүгін, 07:01

Қазақ тазысы

Таным • Бүгін, 06:59

Бағы жанған «Ұлболсын»

Кино • Бүгін, 06:50

Ұқсас жаңалықтар