Ұйымның хабарлауынша, жаңа салмақ ауыр және аса ауыр салмақ дәрежелерінің арасында болмақ. Яғни дәрежесі 86,2 килодан басталып, ең шекті шегі 101,6 кило деп белгіленген. Енді аса ауыр салмақтағы боксшылар 101 килодан жоғары салмақта жұдырықтасады.
Айта кетейік, жаңа салмақ дәрежесі WBC ұйымында бірнеше айдан бері кең көлемде талқыланып келе жатқан-ды. Аталған ұйымның президенті Маурисио Сулейманның айтуынша, өзге де бокс ұйымдары бұл салмақты қолдайтынын немесе қолдамайтынын айтып дауыс берген.
