«Қазмедиа орталығы» ғимаратында Орталық коммуникациялар қызметінің шақыруымен Парламент Мәжілісінің депутаты, Заңнама және сот-құқықтық реформа комитетінің мүшесі Мұхтар Тінікеев брифинг өткізді.
Брифингте айтылған негізгі мәселе – Мемлеке басшысы Нұрсұлтан Назарбаевтың 11 қазанда Үкіметтің кеңейтілген отырысында міндеттеген тапсырмаларының орындалу барысы болды. Журналистермен жүздесуде депутат Елбасы сын тезіне салған фактілерге тоқтала келіп, жыл сайын республика жүзінде орын алатын жобалардың қымбаттауына байланысты қосымша қаржыдан 60 млрд. теңге жұмсалатынын алға тартты.
* Президент тапсырмасы қалай орындалуда?
«Қазмедиа орталығы» ғимаратында Орталық коммуникациялар қызметінің шақыруымен Парламент Мәжілісінің депутаты, Заңнама және сот-құқықтық реформа комитетінің мүшесі Мұхтар Тінікеев брифинг өткізді.
Брифингте айтылған негізгі мәселе – Мемлеке басшысы Нұрсұлтан Назарбаевтың 11 қазанда Үкіметтің кеңейтілген отырысында міндеттеген тапсырмаларының орындалу барысы болды. Журналистермен жүздесуде депутат Елбасы сын тезіне салған фактілерге тоқтала келіп, жыл сайын республика жүзінде орын алатын жобалардың қымбаттауына байланысты қосымша қаржыдан 60 млрд. теңге жұмсалатынын алға тартты.
Және, өкінішке қарай, ол сома жыл сайын артып отырғанына қынжылысын білдірген депутат: –Жобалардың қымбаттауы пара алу есебінен болып отыр. Бұл ешкім үшін де құпия емес, – деді. – Біз егер де ел бюджетін 3 жылдық етіп бекітсек, неге тендерлерді де сол мерзімде бір рет өтетін етпейміз. Сонда тендерге қатысушы өзінің 3 жыл бойына атқаратын жұмысы барлығына сенімді болар еді және банктер де оларға несие беруге құлық танытар еді.
М.Тінікеев әрі қарай: «Ал коммерсант не істейді? Ол тендер өткізетін шенеунікке қаражаттың 10-15 пайызын беруге мәжбүр. Сондықтан осындай жағдай туындап отыр. Неліктен бізде тұрғын үй қымбат? Өйткені, тағы да біздің шенеуніктер пара алады, – деді түпкі ойын жасырмай. – Әрине, мен барлығы бірдей осындай деп айтудан аулақпын, бірақ осының бар екені де шындық. Сондықтан да, Президент мемлекеттік органдардың жетекшілері мен әкімдерге бұл комиссияларға өздері төрағалық етуі қажеттігін тікелей айтты. Бірінші басшы жауапкершілікті мойнына алуы тиіс. Ақмола облысында, мәселен, 1200 орындық мектептің құрылысы 900 орындық мектептен шамамен 300 млн. теңгеге арзанға түскен. Ал Атырау облысында-ау деймін, аурухана құрылысы 150 млн. теңгеге қымбатқа түскен».
Осылай деген М.Тінікеев тағы бір маңызды жайтқа тоқталды. Ол еліміздің ЖОО-ларында оқитын студенттердің біліміне қатысты болды. «Біздің қазір жоғары оқу орындарына «Антиплагиат» бағдарламасын енгізуіміз қажет. Бізде студенттердің көп бөлігінің курстық жұмыстарды интернеттен алатыны тіпті де жасырын емес. Болашақ мамандар оқуларын тәмамдаған соң дипломдық жұмысты да интернеттен көшіріп алады. Ал «Антиплагиат» бағдарламасы іске қосылса, жұмыстың қайдан, қалай алынғандығы, кімнің жазғандығы бірден көрінер еді. Егер осы бағдарламаны шындап қолға алсақ қана білімді тек мықтылар, тіпті, саусақпен санарлық қана адамдар алып, осылайша қазіргідей өз мамандығын толық меңгермеген мамандарды тоғыту тоқтатылады. Жалпы, бізге осыншама заңгер мен қаржыгерлердің керегі қанша? Бүгінде таяқ тастасаң, экономист пен заңгерге тиеді», деді ол.
Депутат брифинг соңында журналистер тарапынан қойылған сауалдарға жауап берді.
Анар ТӨЛЕУХАНҚЫЗЫ,
«Егемен Қазақстан».
