Волонтерлік мәдениетін қалыптастырады

Волонтерлерді даярлау мен білік­ті­лігін арттыруға арналған мектеп жұ­­мысы онлайн форматта жүріп жатыр.­ Қазақстанның түкпір-түкпірінен ірік­теліп алған қатысушылар алдағы уақыт­та өз облысындағы волонтерлерге семинарлар өткізуге қажетті дағды­ларды үйреніп, туған жерінде де волон­терліктің дамуына үлес қосуға мүмкіндік алды.

Бапкерлер мектебіне Қазақстанның барлық аймағынан 43 үміткер ірік­тел­ді. Қатысушылар шешендік шебер­лік­тен бастап жаттықтырушының ішкі тұрақтылығына дейінгі түрлі дағды­лар­ға қатысты білім алды. Сондай-ақ білім беру бағдарламаларын дайындау, жаттықтырушының дағдыларын тал­қылау, аудиториямен жұмыс істеу сын­ды салалар қамтылып, практикалық сабақтар енгізілді.

Ұйымдастырушылардың айтуынша, сабақтар  Zoom платформасында он­лайн форматта жүргізілді. Сессияға Қа­зақстаннан бөлек, Ресей, Өзбекстан, Қыр­ғызстан, Беларусь, Бельгия мен Ар­мения елдерінен спикерлер қатысты. «Бұл бастаманың мақсаты – игерген бі­лімін алдағы уақытта аймақтық волон­тер­лерге бере алатын бапкерлерді дайындау», дейді олар.

Тренингтің нәтижесінде қатысу­шы­лар ақпаратты жеткізу дағдыларын, топпен байланыс және сенімді қарым-қа­тынас орнату тәсілдерін үйренді. Со­нымен қатар көпшілік алдында сөй­леу­дің қыр-сырын игеріп, өзіндік оқыту бағ­дарламаларын жоспарлау жолдарын айқындады.  

Оқу аяқталған соң қатысушылар ай­мақтардағы волонтерлерді оқытып, өз дағдыларын іс жүзінде қолдану мүм­­кіндігіне ие болады. Волонтерлер фронт-офисі алдағы уақытта Қазақ­стан­­ның барлық аймағынан 500-ден аса адам­ды аталған мектепте оқытып, во­лонтерліктің сапасын арттыруды көздеп отыр.